စပိန် တင်းနစ်အကျော်အမော် ရာဖေးလ် နဒါးလ်အနေနဲ့ ယူအက်စ်အိုးပင်းတင်းနစ်ပြိုင်ပွဲကို ၀င်ရောက်ယှဉ်ပြိုင်မှာမဟုတ်ဘူးလို့သိရပါတယ်။ လက်ရှိယူအက်စ်အိုးပင်းချန်ပီယံလည်း ဖြစ်တဲ့ နဒါးလ်ဟာ ကိုရိုနာဗိုင်းရပ်စ်ကို အသေအချာထိန်းချုပ်နိုင်သေးတဲ့ အခြေအနေမဟုတ်တာကြောင့် အခုလိုပဲဆုံးဖြတ်ခဲ့တာဖြစ်ပါတယ်။နဒါးလ်လိုပဲ ဖက်ဒါရာလည်း ဒီနှစ် ယူအက်စ်အိုပင်း မှာပါ၀င်လာမှာမဟုတ်ဘူးလို့သိရပါတယ်။
ဩဂုတ်လ ၃၁ရက်နေ့ နယူးယောက်မြို့မှာ ကျင်းပမယ့် ယူအက်စ်အိုးပင်း တင်းနစ်ပြိုင်ပွဲကို နာမည်ကြီးတင်းနစ်ကစားသမားတွေ တော်တော်များများ ပါ၀င်ယှဉ်ပြိုင်ခြင်းမရှိဘူးလို့ သိရပေမယ့် ကျင်းပဖို့ ဆက်လက်စီစဉ်နေတာကြောင့် ဝေဖန်မှုတွေမြင့်တက်နေခဲ့တာလည်းဖြစ်ပါတယ်။
နဒါးလ်က “လက်ရှိ ကမ္ဘာတစ်ဝှမ်းကျန်းမာရေးအခြေအနေက ရှုပ်ထွေးနေပါသေးတယ်။လက်ရှိ ရောဂါဖြစ်ပွားမှုတွေကလည်း တိုးနေဆဲဖြစ်ပြီး ပြင်းထန်တဲ့ အခြေအနေမှာရှိပါသေးတယ်။ အခုလို ဆုံးဖြတ်ချက် မချချင်ပါဘူး။ဒါပေမယ့် တစ်ကြိမ်မှာတော့ ကိုယ့်ရဲ့ခံစားချက်အတိုင်း လုပ်ချင်ပါတယ်။ ဒီအချိန် ခရီးမသွားချင်တာ ကြောင့်ဖြစ်ပါတယ်။
ဒီပြိုင်ပွဲကိုတော့ နာမည်ကြီး ဆာဘီးယားတင်းနစ်ကစားသမား နိုဗက်ဂျိုကိုဗစ်ကတော့ ၀င်ရောက်ယှဉ်ပြိုင်ဖို့ စာရင်းသွင်းထားပြီး အမေရိကန်တင်းနစ်မယ် ဆရီနာဝီလျံ ဟာလည်း ၀င်ရောက်ယှဉ်ပြိုင်မယ်လို့သိရပါတယ်။ ယူအက်စ်အိုးပင်း တင်းနစ်ပြိုင်ပွဲကိုတော့ ဘီလီဂျင်းန်စ်ကင်း တင်းနစ်ကွင်းကြီး မှာကျင်းပဖို့ သွားဖို့ရှိနေတာဖြစ်ပါတယ်။ လက်ရှိအသက် ၃၄နှစ်အရွယ် နဒါးလ်ဟာ ယူအက်စ်အိုးပင်း လက်ရှိချန်ပီယံဖြစ်ပြီး အမျိုးသမီးလက်ရှိချန်ပီယံဖြစ်တဲ့ ဘီယန်ကာ ကတော့ ၀င်ရောက်ယှဉ်ပြိုင်သွားမယ်လို့သိရပြီး ကမ္ဘာ့အဆင့်တစ် ဩစတြေးလျတင်းနစ်မယ် အက်ရှ်လေဘာတီနဲ့ အဆင့်နှစ် ဆီမိုနာဟေးလပ်ကတော့ ၀င်ရောက်ယှဉ်ပြိုင်မှာ မဟုတ်ပါဘူး။
အခြားမေဂျာတင်းနစ်ပြိုင်ပွဲတစ်ခုဖြစ်တဲ့ မြေစေးကွင်းတင်းနစ်ပြိုင်ပွဲ အခုနှစ်မက်ဒရစ်အိုးပင်းကတော့ ဖျက်သိမ်းလိုက်ပြီး အဲ့ဒီ ပြိုင်ပွဲမှာတော့ ကမ္ဘာ့နံပါတ်၂ နဒါးလ် အနေနဲ့ ၀င်ရောက်ယှဉ်ပြိုင်ဖို့ စာရင်းပေးထားတယ်လို့သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ အားကစားများ STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
Follow us on social ဖေစ့်ဘုတ်, တွစ်တာ, အင်စတာဂရမ် and ယူကျု့ဘ်.
