ကာတာ ကမ္ဘာ့ဖလားမှာ အာဂျင်တီးနား အသင်းခေါင်းဆောင် လီယွန်နယ် မက်ဆီ ဝတ်ဆင် ကစားခဲ့တဲ့ ဂျာစီ ၆ ထည်ကို လေလံတင် ရောင်းချမှုတွေ စတင်နေပြီ ဖြစ်ပြီး အခုဆိုရင် အမြင့်ဆုံးပေးထားတဲ့ စျေးက ဒေါ်လာ ၅.၂ သန်း အထိ ရှိလာပါပြီ။ ဒီဇင်ဘာ ၁၄ ရက်နေ့မှာ လေလံကို ပိတ်သိမ်းမှာဖြစ်လို့ ကျန် ၁၄ ရက်အတွင်းမှာ ဘယ်လောက် အထိ စျေးတိုးပေးကြမလဲ ဆိုတာ စိတ်ဝင်စားစရာပါပဲ။ လက်ရှိ စျေးထက်ကို ပိုများလာမှာ ကတော့ သေချာပေါက်ပါပဲ။ ဘယ်လောက် အထိ ဖြစ်မလဲဆိုတာ အားလုံးက သိချင်နေကြပါတယ်။
ဒီဂျာစီ ရောင်းချရငွေတွေကို လူမှုအကျိုးပြု လုပ်ငန်းတွေမှာ ပြန်လည် သုံးစွဲမှာပါ။ ပေါင် ၆ သန်း အထိ ရဖို့ မျှော်လင့်ထားကြပြီး လက်ရှိအနေအထား ဆိုရင်တော့ ပေါင် ၆ သန်းထက်တောင် ကျော်လွန်မှာ သေချာပါတယ်။ တချို့ ကတော့ ဒေါ်လာ ၁၀ သန်းကျော် အထိတောင် ဖြစ်လာနိုင်တယ်လို့ ခန့်မှန်းနေကြပါတယ်။ ကမ္ဘာ့ဖလား ပွဲစဉ် ၆ ပွဲမှာ ဝတ်ဆင်ခဲ့တဲ့ ဂျာစီတွေ ဖြစ်ပြီး ဘယ်ပွဲမှာ ဝတ်ဆင်ခဲ့တာလဲ၊ ကစားတဲ့ နေ့ရက်တွေကိုက အစ ဖော်ပြထားတာ ကိုလည်း တွေ့ရမှာပါ။
မှန်ဘောင် အတွင်း ထည့်သွင်းပေးထားပြီး လိုချင်စရာ ဖြစ်အောင်ကို ဆွဲဆောင်နိုင်လွန်းပါတယ်။ ငွေကြေး ချမ်းသာတဲ့ သူကြွယ်တွေ အတွက်တော့ တစိမ့်စိမ့်ကြည့်ပြီး အရသာခံ၊ အနားယူနိုင်မှာပါ။ အတည်မပြုနိုင်သေးတဲ့ သတင်းတွေအရ လေလံအောင်သူကို မက်ဆီက တွေ့ဆုံသွားမယ် လို့ပါ ဆိုပါတယ်။ ဒီလိုသာ တကယ်ဆိုရင်တော့ သူဌေးတွေ အလုအယက်နဲ့ စျေးပြိုင်ပေး ဝယ်ယူမှာတော့ သေချာပါတယ်။ ညစာ အတူတူပါ စားပေးမယ် ဆိုရင်တော့ဖြင့် ဆိုဖွယ်ရာ မရှိတော့ပါဘူး။ ဒါပေမယ့် ဖြစ်လာနိုင်ချေတော့ နည်းပါတယ်။ မက်ဆီ ဘက်က ဒီလို သတင်းတွေနဲ့ ပတ်သက်ပြီး မှတ်ချက်ပေးတာ၊ အတည်ပြုတာတော့ မရှိသေးပါဘူး။
မက်ဆီရဲ့ ကစားသမား ဘ၀မှာ အလိုချင်ဆုံး ကမ္ဘာ့ဖလား ဆုဖလားကို ဒီဂျာစီတွေ ဝတ်ဆင်ပြီးတော့ ရယူနိုင်ခဲ့တာပါ။ ဒါကြောင့် တန်ဖိုးအားဖြင့်ရော၊ အမွေအနှစ်၊ သမိုင်းကြောင်းအရရော အရမ်းကို မြင့်မားတယ်လို့ ပြောလို့ ရပါတယ်။ ဒါကြောင့်လည်းပဲ အများအကျိုး အတွက် အသုံးပြုဖို့ ငွေကြေးတွေ ရအောင် စီစဉ်ခဲ့တာ ဖြစ်ပြီး မက်ဆီ ကိုယ်တိုင်လည်း လိုလိုလာလား ရှိခဲ့ပါတယ်။ ဒီဂျာစီတွေဟာ သမိုင်းဝင် ဂျာစီ ဖြစ်ပြီး နောင်တစ်ချိန်မှာ အမှတ်တရ အနေနဲ့ တသသ ပြောစရာ၊ ဂုဏ်ယူစရာ ဂျာစီတွေ ဖြစ်လာမှာပါ။
ဘောလုံးသမိုင်းမှာ လေလံစျေး အမြင့်ဆုံးနဲ့ ရောင်းချခဲ့ရတဲ့ ဂျာစီ ကတော့ ဒီယေဂို မာရာဒိုနာရဲ့ ဂျာစီပါ။ အင်္ဂလန်နဲ့ ကစားခဲ့တဲ့ ကမ္ဘာ့ဖလား ဗိုလ်လုပွဲမှာ ဘုရားပေးသောလက် ဆိုတဲ့ နာမည်နဲ့ ကျော်ကြားခဲ့တဲ့ ဂိုးကို သူက သွင်းယူခဲ့ပြီး အဲဒီပွဲမှာ ဝတ်ဆင်ခဲ့တဲ့ အာဂျင်တီးနား ဂျာစီကို ဒေါ်လာ ၈.၉၅ သန်းနဲ့ ရောင်းချနိုင်ခဲ့တာပါ။ ၂၀၂၂ မှာ လေလံတင် ရောင်းချခဲ့တာ ဖြစ်ပြီး လက်ရှိ အချိန်ထိ စျေးအကြီးဆုံး ဖြစ်နေပါတယ်။ မက်ဆီရဲ့ ဂျာစီတွေ အနေနဲ့ အဆိုပါစံချိန်ကို ကျော်ဖြတ်နိုင်ဖို့တော့ ခက်ခဲနေဦးမှာပါ။ ဒေါ်လာ သန်း ၁၀ အထိ ရမှသာ ကျော်ဖြတ်နိုင်မှာလည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
