ဥရောပရဲ့ အသင်းငယ်လေး ဆန်မာရီနိုဟာ သူတို့ အသင်းရဲ့ သမိုင်းတလျှောက် ပထမဆုံး အကြိမ် အဖြစ် ၃ ပွဲဆက်တိုက် ဂိုးသွင်းယူနိုင်ခဲ့ပါပြီ။ သူတို့ဟာ ဒိန်းမတ်၊ ကာဇက်စတန်၊ ဖင်လန် တို့နဲ့ ယူရို ၂၀၂၄ ခြေစစ်ပွဲတွေမှာ ဂိုးတွေ သွင်းယူနိုင်ခဲ့တာ ဖြစ်ပါတယ်။ သွင်းဂိုး တစ်ဂိုး ရတိုင်းမှာ ဆုဖလားရသလို ပျော်ရွှင် အောင်ပွဲခံတတ်တဲ့ သူတို့ အတွက် အခုလို ဂိုးတွေ ဆက်တိုက် သွင်းနိုင်ခဲ့တာက ကြီးမားတဲ့ အောင်မြင်မှုပါပဲ။
ဂိုးတစ်ဂိုး ရဖို့ အတွက် နှစ်နဲ့ ချီပြီးတော့ ကြာမြင့်ခဲ့တဲ့ ဆန်မာရီနိုဟာ ယူရို ၂၀၂၄ ခြေစစ်ပွဲမှာ ၃ ပွဲ ဆက်တိုက် ဂိုးသွင်းနိုင်ခဲ့တာက မဟာ အောင်မြင်မှုကြီးလို့ ဆိုနိုင်ပါတယ်။ ဒါကြောင့်လည်း ဂိုးတွေ သွင်းပြီးတိုင်းမှာ သူတို့ဟာ ကွင်းထဲကရော၊ အရန်ခုံက ကစားသမားပါ မကျန် စုပေါင်း အောင်ပွဲခံကြလေ့ ရှိတာပါ။ သူတို့ တစ်ဂိုးလောက် သွင်းလိုက်ရင်ကို ပရိသတ်တွေလည်း မြင်ရတာ နှစ်ထောင်း အားရကြပါတယ်။ တစ်ကွင်းလုံး အောင်ပွဲခံပြီး ဒီသွင်းဂိုး အတွက် ပျော်ရွှင်နေတာပါ။ ဂိုးတစ်ဂိုး အတွက် အပျော်ရွှင်ရဆုံး နိုင်ငံကို ပြပါ ဆိုရင် ဆန်မာရီနို ကိုပဲ ပြရပါလိမ့်မယ်။
ဆန်မာရီနို နိုင်ငံဟာ လူဦးရေအားဖြင့် ၃ သောင်းကျော်ပဲ ရှိတဲ့ ကမ္ဘာ့အသေးငယ်ဆုံး နိုင်ငံငယ်လေး တစ်နိုင်ငံ ဖြစ်ပါတယ်။ သူတို့ အသင်းမှာ ပရိုကစားသမားစစ်စစ် ပါဝင်မှုက မရှိသလောက်ပါပဲ။ အားလုံးနီးပါးက ပြင်ပ အလုပ်တွေ လုပ်ကိုင်နေပြီး ဆရာဝန်၊ မီးသတ်သမား၊ လျှပ်စစ်ပြင်ဆရာ စသဖြင့် အလုပ်တွေ လုပ်ရင်း တိုင်းပြည် အတွက်လည်း ဘောလုံးကစားနေကြတာ ဖြစ်ပါတယ်။ ပရိုစစ်စစ်တွေ မဟုတ်ဘဲ ကမ္ဘာ့အဆင့် ကစားသမားတွေကို မကြောက်မရွံ့ ရင်ဆိုင်ခဲ့ပြီး သူတို့ ရှုံးမှာကို သိထားခဲ့တာပါ။ ဒါပေမယ့် သူတို့ လုပ်နိုင်သလောက် လုပ်ပြဖို့ကိုပဲ အာရုံစိုက်ရင်း ဒီလိုစွမ်းဆောင်လာနိုင်ခဲ့ပါတယ်။
ဆန်မာရီနိုရဲ့ ဒီစွမ်းဆောင်ရည်က တကယ့်ကို အံ့မခန်းပါပဲ။ သူတို့ ကိုယ်တိုင်လည်း ဒီအတွက် ဂုဏ်ယူနေမှာ သေချာပါတယ်။ ဆန်မာရီနိုဟာ နှစ်ပေါင်းများစွာ အိမ်ဖြည့် အသင်း အဖြစ် ရှိနေခဲ့ပြီး ဂိုးတစ်ဂိုး ရဖို့တောင် ဖျစ်ဖျစ်မြည်အောင် အားထုတ်နေခဲ့ရပေမယ့် ဒီနေ့တော့ သူတို့ဟာ ပြိုင်ဘက်တွေကို ဂိုးပြန်သွင်းနိုင်နေပြီ ဆိုတာကို ပြသရင်း သူတို့ရဲ့ တိုးတက်မှု၊ အားထုတ်မှုတွေကို ပြသနေပြီ ဖြစ်ပါတယ်။
တခြားသော အသင်းတွေ အတွက်လည်း ဒါက ဥပမာပါပဲ။ ကိုယ်က ဘာမှမလုပ်နိုင်ဘူး ဆိုပြီး စိတ်ဓာတ်ကျနေမယ့် အစား ငါတို့ အကောင်းဆုံးလုပ်နိုင်တာ ဘာရှိမလဲဆိုတာကို တွေးပြီး အားထုတ်မှုရဲ့ ရလဒ်ပါပဲ။ ပျော်ပျော်ရွှင်ရွှင်နဲ့ ဘောလုံးကစားတယ်၊ လုပ်နိုင်တာ မှန်သမျှ လုပ်တယ်၊ ဒီလိုနဲ့ သူတို့ လိုချင်တဲ့ ရလဒ်၊ ပုံစံကို တဖြည်းဖြည်းနဲ့ ရယူနိုင်မှာပါ။ တိုးတက်မှုတွေကို မြင်တွေ့လာရမှာပါ။ ဒါကို ဆန်မာရီနိုက လက်တွေ့ပြသနေခဲ့တာပဲ ဖြစ်ပါတော့တယ်။ သူတို့ ယူရို ၂၀၂၄ ခြေစစ်ပွဲ အောင်မြင်ဖို့ မပြောနဲ့ ဇယား အောက်ဆုံးမှာ ကြမ်းတိုက်ခဲ့ရပါတယ်။ ဒါပေမယ့် အားမတန်လို့သာ မာန်လျှော့ခဲ့ရတာ ဖြစ်ပြီး ကြိုးစား အားထုတ်မှု ကတော့ လေးစားစရာ ဖြစ်ကြောင်း ပြောကြားရင်း…။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
