ဆွစ်ဇာလန် ၂-၁ ချက်
ညက ယှဉ်ပြိုင်ကစားခဲ့တဲ့ နေးရှင်းလိဂ် (A) အုပ်စု (၂) ရဲ့ နောက်ထပ် ပွဲစဉ် တစ်ပွဲ မှာတော့ ဆွစ်ဇာလန်တို့ ချက်ကို အိမ်ကွင်းမှာ ၂-၁ ရလဒ်နဲ့ အနိုင်ရသွားခဲ့ပါတယ်။
ဆွစ်ဇာလန်တို့ ဒီနေ့ပွဲမှာ ဂိုးသမား ဆွမ်းမား၊ ခံစစ်မှာ ရှား၊ အယ်လ်ဗက်ဒီ၊ ဝစ်ဒ်မာနဲ့ ရိုဒရီဂွက်ဇ်တို့ကို အသုံးပြုလာခဲ့ပြီး ကွင်းလယ်မှာ ဂရန်းနစ် ချာကာ၊ ဖရီအူလာ၊ ဂျီဘရီလ် ဆိုးဝ်နဲ့ တိုက်စစ်မှာတော့ ဗားဂက်စ်၊ ရှကီရီနဲ့ အမ်ဘိုလို တို့ ပွဲထွက်ခဲ့ပါတယ်။ ဧည့်သည် ချက် အသင်း ကတော့ ဂိုးမှာ ဗက်စ်လစ်ခ် နောက်တန်းမှာ ကူဒယ်လာ၊ ဇီမာ၊ ဆိုဖာလ်နဲ့ ဂျမယ်လ်ကာ၊ ကွင်းလယ် မှာတော့ ဆိုရှက်ခ်၊ ကယ်လ်ဗက်ချ်နဲ့ ဘားရက်ခ် တောင်ပံ နှစ်ဖက်မှာ ချာနီ၊ ဗယ်လ်ကာနိုဗာနဲ့ အထောင် တိုက်စစ်မှူး အဖြစ် ပက်ထရစ် ရှစ်ခ်ကိုပဲ အသုံးပြုခဲ့ပါတယ်။
စပိန်ကို အနိုင်ရပြီး အားတက်နေတဲ့ ဆွစ်ဇာလန်တို့ ပွဲစကတည်းက အကောင်းဆုံး ပုံစံ တစ်ခုနဲ့ ကစားနိုင်ခဲ့ပါတယ်။ ဆွစ်တို့ ပွဲချိန် ၂၉ မိနစ်မှာ အဖွင့်ဂိုး စတင်ရရှိခဲ့ပြီး ဒီဂိုးကိုတော့ ရှကီရီရဲ့ ဂိုးရှေ့ အနိမ့်ဘော ဖြတ်တင် ပေးပို့မှုကို ကွင်းလယ်လူ ဖရီအူလာက အနီးကပ် ခေါင်းတိုက် သွင်းယူသွားခဲ့တာ ဖြစ်ပါတယ်။ နောက်ထပ် တစ်မိနစ် အကြာမှာလည်း ဆွစ်တို့ပဲ ဒုတိယ ဦးဆောင်ဂိုး ထပ်မံ သွင်းယူနိုင်ခဲ့ပြီး ချက် ကွင်းလယ်က လူပေးမှားမှုကို ဘရီးလ် အမ်ဘိုလိုက အခွင့်ကောင်းယူပြီး သွင်းယူသွားခဲ့တာ ဖြစ်ပါတယ်။ ပွဲချိန် ၄၅ မိနစ်မှာတော့ ချက်တို့ ချေပဂိုး ၁ ဂိုး ပြန်ရခဲ့လို့ ဆွစ်ဇာလန်တို့ ပထမပိုင်း အပြီးမှာ ၂-၁ ရလဒ်နဲ့ ဦးဆောင်ထားနိုင်ခဲ့ပါတယ်။
ဒုတိယပိုင်းမှာ ချက်တို့ လူစားအပြောင်းအလဲ တချို့ ပြုလုပ်ခဲ့ပြီး ပွဲချိန် ၆၁ မိနစ်မှာ ပင်နယ်တီက တစ်ဆင့် ချေပဂိုး ထပ်ရနိုင်မယ့် အခွင့်အရေး ရရှိခဲ့ပါတယ်။ ဒါပေမယ့်လည်း သောမက်စ် ဆိုရှက်ခ်ရဲ့ ကန်သွင်းမှုကို ဆွစ် ဂိုးသမား ဆွမ်းမားက လက်စွမ်းပြ ကာကွယ်နိုင်ခဲ့ပြီး သူ့အတွက် လက်ရွေးစင် နောက်ဆုံး ပင်နယ်တီ ၅ ကြိမ်ဆက် ကာကွယ်နိုင်မှုလည်း ဖြစ်ခဲ့ပါတယ်။ လက်ကျန်မိနစ်တွေမှာ ဆွစ်ဇာလန်တို့ပဲ အနိုင်ရလဒ်ကို ထိန်းကစားသွားခဲ့လို့ ၂-၁ ရလဒ်နဲ့ပဲ ပွဲပြီးဆုံးခဲ့ပြီး နောက်ဆုံး ၂ ပွဲဆက် အနိုင်ရရှိမှုနဲ့ အတူ နေးရှင်းလိဂ် (A)မှာ တင်ကျန်နိုင်ခဲ့ပါတယ်။ ချက်ကတော့ နေးရှင်းလိဂ် နောက်ဆုံး ၄ ပွဲမှာ ၁ မှတ်သာ စုဆောင်းနိုင်ခဲ့လို့ စုစုပေါင်း ရမှတ် ၄ မှတ်နဲ့ တန်းဆင်းသွားခဲ့ရပါတယ်။
ပွဲပြီးသုံးသပ်ချက်
ခြေစွမ်းပိုင်းအရ ထွေထွေထူးထူး ပြောစရာ မရှိပါဘူး။ ကစားသမား အင်အားချင်း သိပ်ပြီး မကွာဟခဲ့ပေမယ့် စပိန်ကို နိုင်ထားလို့ စိတ်ဓာတ်တက်နေတဲ့ ဆွစ်ဇာလန်တို့ ရှုံးပွဲဆက်လို့ စိတ်ဓာတ် ပျက်နေတဲ့ ချက်ကို အိမ်ကွင်း အားသာချက်နဲ့ ကစားပြီး အနိုင်ယူသွားခဲ့တာ ဖြစ်ပါတယ်။ အလှည့်အပြောင်း ဖြစ်နိုင်တဲ့ ပင်နယ်တီကို ဆွမ်မား ကာကွယ်နိုင်ခဲ့တာ ကလည်း ချက် အတွက် မျှော်လင့်ချက်မဲ့သွားစေခဲ့တာ ဖြစ်ပါတယ်။
လာမယ့်ပွဲစဉ်များ
ဆွစ်ဇာလန်တို့ လာမယ့် နိုဝင်ဘာလ ၂၄ ရက်နေ့မှာ ကင်မရွန်းနဲ့ ကမ္ဘာ့ဖလား အုပ်စု ပွဲစဉ် ကစားရဖို့ ရှိပြီး ဒီမတိုင်ခင်မှာတော့ ဂါနာနဲ့ ခြေစွမ်းပွဲ ကစားမှာ ဖြစ်ပါတယ်။ ချက် ကတော့ ကမ္ဘာ့ဖလား ခြေစစ်ပွဲလည်း မအောင်ထားလို့ အနားရသွားခဲ့ပြီ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
