ဒိန်းမတ် ၂-၀ ပြင်သစ်
နေးရှင်းလိဂ် (A) အုပ်စု (၁) ရဲ့ အုပ်စု နောက်ဆုံး ပွဲစဉ်တွေ ဆက်လက် ယှဉ်ပြိုင်ကစားခဲ့ကြပြီး ဒိန်းမတ်တို့ ပြင်သစ်ကို အိမ်ကွင်းမှာ ၂-၀ ရလဒ်နဲ့ အနိုင်ရသွားခဲ့ပါတယ်။
ပွဲစဉ်အကျဉ်း
ဒိန်းမတ်တို့ ဒီနေ့ပွဲမှာ ရှမိုက်ကယ်၊ အန်ဒါဆန်၊ ခရစ္စတန်ဆန်၊ မာအဲလီ၊ ဟွိုက်ဘယက်ဂျ်၊ အဲရစ်ခ်ဆင်၊ ဒိုးလ်ဘာ့ဂ်၊ ဒမ်းစ်ဂါ့ဒ် တို့လို အမာခံတွေနဲ့ပဲ ပွဲထွက်လာခဲ့တာ ဖြစ်ပါတယ်။ ဧည့်သည် ပြင်သစ် ကတော့ ဂိုးသမား အာရီယိုလာ၊ ခံစစ်မှာ ဆာလီဘာ၊ အူပါမီကာနိုနဲ့ ဘာဒီယာရှီးလ် တို့ကို အသုံးပြုခဲ့ပြီး ကွင်းလယ်နဲ့ Full Back တွေ အဖြစ် ချူအာမန်နီ၊ ကာမာဗင်ဂါ၊ ပါဗက်နဲ့ ဖာလန်း မန်ဒီ တို့ ပွဲထွက်ခဲ့ပြီး တိုက်စစ် မှာတော့ ဂရစ်ဇ်မန်း၊ အမ်ဘာပေနဲ့ ဂျရူးတို့ ကစားခဲ့ကြပါတယ်။
ပွဲစကတည်းက အပြန်အလှန် ထိုးဖောက်မှုတွေနဲ့ ကြည့်ကောင်းခဲ့ပြီး ပွဲချိန် ၈ မိနစ်မှာ အမ်ဘာပေးရဲ့ ကန်ချက်ကို ရှမိုက်ကယ် ပုတ်ထုတ် ကာကွယ်သွားနိုင်လို့ ဒိန်းမတ်တို့ ကံကောင်းခဲ့ပါတယ်။ ဒါပေမယ့်လည်း အတွေ့အကြုံ နုနယ်တဲ့ ကစားသမားတွေနဲ့ ပွဲထွက်ခဲ့တဲ့ ပြင်သစ် ကွင်းလယ်က တော်တော်လေး အားနည်းခဲ့ပြန်သလို ပြိုင်ဘက်ရဲ့ နောက်တန်းကို ကျော်ဖြတ်ဖို့လည်း ထိရောက်တဲ့ ဖန်တီးမှုတွေ ပြုလုပ်နိုင်ခြင်း မရှိခဲ့ပါဘူး။
ပွဲချိန် ၃၃ မိနစ်မှာတော့ ဒိန်းမတ်တို့ အဖွင့်ဂိုး ရသွားပြီး ဒီဂိုး ကိုတော့ ဒမ်းစ်ဂါ့ဒ်ရဲ့ အနိမ့်ဘော ဖြတ်ပေးပို့မှု ကနေ တိုက်စစ်မှူး ဒိုးလ်ဘာ့ဂ်က လျှောထိုး ပိတ်သွင်းပြီး ရယူသွားခဲ့တာ ဖြစ်ပါတယ်။ နောက်ထပ် ၆ မိနစ် အကြာ မှာလည်း ဒိန်းမတ် တို့ပဲ ဒုတိယ ဦးဆောင်ဂိုးကို သွင်းနိုင်ခဲ့ကြပြီး ပြင်သစ် ခံစစ်ရဲ့ ဖရိုဖရဲ ဖြစ်နေမှုကို အိုလ်ဆင်က အခွင့်ကောင်းယူကာ ဧရိယာ ထိပ်ကနေ အပြင်း ကန်သွင်းသွားခဲ့တာ ဖြစ်ပါတယ်။
ဒုတိယပိုင်းမှာတော့ နည်းပြ ဒီဒီယာ ဒက်ရွှမ့်စ် တစ်ယောက် လူစားအပြောင်းအလဲ တချို့ ပြုလုပ်ခဲ့ပေမယ့် မှန်ကန်တဲ့ လုပ်ရပ်တော့ မဖြစ်ခဲ့ပါဘူး။ ဒါကြောင့် ၂-၀ ရလဒ်နဲ့ပဲ ပွဲပြီးဆုံးခဲ့ပြီး ပြင်သစ်တို့ နေးရှင်းလိဂ် (A) အုပ်စု (၁) ရဲ့ တတိယနေရာ နဲ့လဲသင့်နေတဲ့ လူတွေ အစား၊ မလဲသင့်တဲ့သူတွေကို လဲခဲ့တာ ဖြစ်ပြီး လက်ကျန် မိနစ်တွေမှာ ဒိန်းမတ်တို့ ကစားအားချသွားလို့သာ ပြင်သစ်တို့ ကံကောင်းခဲ့တာ ဖြစ်ပါတယ်။ပဲ ကျေနပ်ခဲ့ရပါတယ်။ တစ်ဖက်မှာ ဒိန်းမတ် ကတော့ နိုင်ပွဲ ရရှိခဲ့ပေမယ့် ခရိုအေးရှားကို နှစ်ကျော့စလုံး ရှုံးနိမ့်ထားခဲ့လို့ အမှတ် အများဆုံး ရတဲ့ ဒုတိယ အသင်း အဖြစ်နဲ့ပဲ ကျေနပ်ခဲ့ရပြီး နေးရှင်းလိဂ် ဆီမီးဖိုင်နယ်နဲ့ လွဲချော်ခဲ့ရပါတယ်။
ပွဲပြီးသုံးသပ်ချက်
ထုံးစံ အတိုင်း ပြင်သစ်ရဲ့ ကွင်းလယ် ကတော့ လူငယ် ကြယ်ပွင့်တွေနဲ့ ပွဲထွက်လာခဲ့ပေမယ့် အတွေ့အကြုံပိုင်း လိုအပ်ချက်တွေ ရှိနေသေးလို့ စိတ်ပျက်စရာ ပုံစံမျိုးနဲ့ပဲ မြင်တွေ့ခဲ့ရပါတယ်။ အခွင့်အရေး ဖန်တီးမပေးနိုင်တဲ့ ကွင်းလယ်ကြောင့် တိုက်စစ်က ဂျရူးနဲ့ အမ်ဘာပေးတို့ ကြောင်ပျောက်ခဲ့ရပြီး ပထမပိုင်း တစ်ပိုင်းလုံး ပြိုင်ဘက် နောက်တန်းကို မကျော်နိုင်ခဲ့ပါဘူး။ ဒီနေ့ပွဲမှာ ထပ်ပြီး ပြောစရာ ရှိတာက ပြင်သစ်ရဲ့ နောက်တန်း ဖြစ်ပါတယ်။ ဆလီဘာနဲ့ အူပါမီကာနို တို့ဟာ ကစားသမား ကောင်းတွေ မှန်ပေမယ့် တကယ်တမ်းတော့ အတွေ့အကြုံပိုင်း လိုအပ်ချက် အရမ်းကို များနေပါသေးတယ်။ ဒီအချိန် ဂိုးသမား အာရီယိုလာရဲ့ လက်စွမ်း ကလည်း ချာတူးလန်နေတော့ ပြင်သစ်တို့ အရှုံးနဲ့ပဲ ထိုက်တန်တယ်လို့ပဲ ဆိုရမှာ ဖြစ်ပါတယ်။ ဒီကြားထဲ ဒက်ရွှမ့်စ် ကပါ ဗျုဟာ အခင်းအကျင်းနဲ့ လူစားအပြောင်းအလဲတွေ ထပ်မှားခဲ့ပါသေးတယ်။ ဒီပုံ အတိုင်း ဆိုရင်တော့ ပြင်သစ်ရဲ့ ကာတာ ကမ္ဘာ့ဖလား သွားရာလမ်းက ဖြောင့်ဖြူးနိုင်ပါ့မလား ဆိုတာ စိုးရိမ်စရာ ရှိနေပြီ ဖြစ်ပါတယ်။
လာမယ့် ပွဲစဉ်များ ဒိန်းမတ်လို့ လာမယ့် နိုဝင်ဘာ ၂၂ ရက်နေ့မှာ တူနီးရှားနဲ့ ကမ္ဘာ့ဖလား အုပ်စု ပွဲစဉ် စတင် ကစားရဖို့ ရှိပြီး ပြင်သစ် ကတော့ နိုဝင်ဘာ ၂၃ ရက်နေ့မှာ ဩစတြေးလျနဲ့ ကစားရမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
