လာလီဂါ ကလပ် ဘာစီလိုနာ အသင်းရဲ့ ဝါရင့် တိုက်စစ်မှူးကြီး ရောဘတ် လီဝမ်ဒေါစကီး ကတော့ လက်ရှိ ကမ္ဘာ့အကောင်းဆုံး ကစားသမား နှစ်ဦးက ဘယ်သူတွေလဲ ဆိုတာ ထုတ်ဖော် ပြောကြားသွားခဲ့ပါတယ်။ အသက် ၃၅ နှစ် အရွယ် ပိုလန် တိုက်စစ်မှူးကြီးက နောက်ဆုံး ပြုလုပ်ခဲ့တဲ့ အင်တာဗျူး တစ်ခုမှာ ပီအက်စ်ဂျီ ကြယ်ပွင့် ကီလီယန် အမ်ဘာပေးနဲ့ ရီးရဲလ်မက်ဒရစ် ကွင်းလယ် ကြယ်ပွင့် ဂျူ့ဒ် ဘယ်လင်ဟမ် တို့ဟာ လက်ရှိ ကမ္ဘာ့အကောင်းဆုံး ကစားသမားတွေ ဖြစ်တယ်လို့ ချီးကျူးသွားခဲ့တာလည်း ဖြစ်ပါတယ်။ ဒီကစားသမား နှစ်ဦးစလုံး ကလည်း ချန်ပီယံလိဂ် မှာ သက်ဆိုင်ရာ အသင်းတွေ အတွက် အကောင်းဆုံး စွမ်းဆောင်ရည်တွေ ပြသထားသူတွေ ဖြစ်ပါတယ်။
အသက် ၂၅ နှစ် အရွယ် ကီလီယန် အမ်ဘာပေးနဲ့ အသက် ၂၀ အရွယ် ဘယ်လင်ဟမ် တို့ဟာ အခုနှစ် ဘောလုံး ရာသီ သက်ဆိုင်ရာ ကလပ်တွေမှာ ခြေစွမ်းပြလျက် ရှိပြီး ဂိုးသွင်း အများဆုံး ကစားသမားတွေ အဖြစ် ရပ်တည်ထားနိုင်တာ ဖြစ်ပါတယ်။ အမ်ဘာပေးဟာ ဒီရာသီ ပြိုင်ပွဲစုံမှာ ပီအက်စ်ဂျီ အတွက် ၄၃ ဂိုး သွင်းယူပေးထားသလို သူ့ရဲ့ အသင်း ကလည်း ဖလား ၄ လုံး ချန်ပီယံ အဖြစ်နဲ့ ရာသီသိမ်းနိုင်ဖို့ အခြေအနေကောင်းနေပါတယ်။ ဘယ်လင်ဟမ် ကတော့ ရီးရဲလ်မက်ဒရစ် အတွက် လာလီဂါ မှာ ၁၇ ဂိုး သွင်းပြီး ၄ ဂိုး ဖန်တီးပေးထားသလို ချန်ပီယံလိဂ် မှာတော့ ၃ ဂိုးသွင်းကာ ၄ ဂိုး ဖန်တီးပေးထားပါတယ်။ ဒါ့အပြင် ဘယ်လင်ဟမ်က အခုနှစ် လာလီဂါမှာ ဂိုးပါဝင် ပတ်သတ်မှု တတိယမြောက် အများဆုံး ကစားသမားလည်း ဖြစ်ပါတယ်။
ဒါ့အပြင် ပြင်သစ် အသင်းခေါင်းဆောင် အမ်ဘာပေးနဲ့ ဘယ်လင်ဟမ် တို့ဟာ သူမတူတဲ့ စွမ်းဆောင်ရည်တွေနဲ့ ဥရောပရဲ့ ဂုဏ်သိက္ခာ အမြင့်မားဆုံး ပြိုင်ပွဲတွေ ဖြစ်တဲ့ ချန်ပီယံလိဂ်မှာ သက်ဆိုင်ရာ ကလပ်တွေကို ဆီမီးဖိုင်နယ် အဆင့် ရောက်ရှိအောင် ပို့ဆောင်ပေးထားသူတွေ ဆိုရင်လည်း မမှားပါဘူး။ ဒီကစားသမား နှစ်ဦးထဲက ဘယ်သူက ကမ္ဘာ့အကောင်းဆုံး ကစားသမားဆု ရရှိမလဲ ဆိုတာ ကလည်း ချန်ပီယံလိဂ် ပြိုင်ပွဲက အဆုံးအဖြတ် ပေးသွားဖို့ ရှိနေတာ ဖြစ်ပါတယ်။ ဒီအခြေအနေအရ ၂၀၂၄ ခုနှစ် ဘယ်လွန်ဒေါ ဆုပေးပွဲမှာ တစ်နှစ်တာ အကောင်းဆုံး ကစားသမား အဖြစ် အမ်ဘာပေးနဲ့ ဘယ်လင်ဟမ် တို့ နှစ်ဦးသာ အဓိကထား ယှဉ်ပြိုင်သွားရဖွယ် ရှိနေပြီး မက်ဆီ၊ ရော်နယ်ဒို ခေတ်အလွန်မှာ ဒီကစားသမား နှစ်ဦး ကပဲ ဆက်လက် လွှမ်းမိုးသွားနိုင်တဲ့ အခြေအနေ ဖြစ်ပါတယ်။
ကီလီယန် အမ်ဘာပေးဟာ ပီအက်စ်ဂျီနဲ့ အတူ လီဂူးဝမ်း ချန်ပီယံ ဖြစ်ဖို့ သေချာသလောက် ရှိနေပြီး ချန်ပီယံလိဂ် မှာလည်း ဆီမီးဖိုင်နယ်၊ Cuope de France မှာလည်း လိုင်ယွန်နဲ့ ဗီုလ်လုပွဲ ကစားရဖို့ ရှိနေပါတယ်။ ပီအက်စ်ဂျီဟာ ပြင်သစ် စူပါဖလားမှာ ချန်ပီယံ ဖြစ်ထားတာကြောင့် လက်ကျန် ပြိုင်ပွဲ ၃ ခုမှာသာ ချန်ပီယံ ဖြစ်ရင် ဖလား ၄ လုံးနဲ့ ရာသီသိမ်းနိုင်မှာ ဖြစ်ပါတယ်။ ရီးရဲလ်မက်ဒရစ် ကတော့ စပိန် စူပါဖလားမှာ ချန်ပီယံ ဖြစ်ထားပြီး ချန်ပီယံလိဂ် မှာ ဆီမီးဖိုင်နယ်၊ လာလီဂါ မှာတော့ ချန်ပီယံ ဖြစ်ဖို့ နီးစပ်နေတာကြောင့် ဖလား ၃ လုံး ချန်ပီယံ အဖြစ် ရာသီသိမ်းနိုင်ဖို့ အခြေအနေ ကောင်းနေခဲ့တာ ဖြစ်ပါတယ်။လက်ရှိ အချိန်ထိ ကမ္ဘာ့အကောင်းဆုံး တိုက်စစ်မှူး ၁၀ ဦး စာရင်းဝင် လီဝမ်ဒေါစကီးက အမ်ဘာပေးနဲ့ ဘယ်လင်ဟမ်ရဲ့ ခြေစွမ်းတွေကို တော်တော်လေး သဘောကျနေပုံရပြီး အခုလိုပဲ ချီးကျူးသွားခဲ့တာ ဖြစ်ပါတယ်။ လီဝမ်ဒေါစကီး ကလည်း လက်ရှိမှာ ဘာစီလိုနာ အသင်းနဲ့ အတူ ဖလား လက်မဲ့ ရာသီ အဖြစ် ဖြတ်သန်းရဖို့ ရှိနေခဲ့ပေမယ့် ဘာဆာ အတွက် ပြိုင်ပွဲစုံမှာ ၄၃ ပွဲ ကစားပြီး သွင်းဂိုး ၂၀ အထိ ရရှိထားပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
